Thursday, January 19, 2006

Sapna

Main soyi thi,
sapnon mein khoyi thi,
kisne jagaaya,
samajh mein na aaya,
ab tha saath mere,
ek ajanabi ka saya,
sapnon ke tajmahal mein,
aarzoo ki kaya,
dhire se ek baar,
wo muskaraya,
mera dil toh fir,
sambhal na paya,
kya kahoon kaise kahoon,
ab usko paraya,
apna nahin par apne jaisa hai wo,
sapna nahin par sapne jaisa hai wo.




1 Comments:

Blogger Nitin Bhardwaj said...

Sapne se jaagne ki soorat mein ye arz hai, ghaur farmayen :

Jane kya haal ho is dil ka agar tu aaye,
naa to jazbaat pe na khud pe hi qaboo aye.

char jaanib teri parchhayi nazar aati hai,
tu hi khushboo sa mahakta hua har-soo aaye.


teri dildar nigaahon ka dilasa paakar,
meri palkon pe chamakte hue jugnoo aye.

22/1/06 15:59  

Post a Comment

<< Home