Friday, March 31, 2006

Zaari

Duniya dekhi, duniyadaari dekhi,
purane rishton ki, purakaari dekhi,
tere sadke ae dost, sikhne ki had dekhi,
bewafaai sikhi..



Wednesday, March 29, 2006

hone ka..

pal bhar ka dukh,
charo jahan ki khushiyan,
mere anginat khaab,
aur, sapnon ki khilti kaliyan,
zindagi ki aas,
purnta ka ehsaas,
sab kuchh mere paas hai,
par, dar hai uske khone ka,

ambar ke taare,
gujre raat aur din mere,
bachapan ki athkheliyan,
wo sakhi saheliyan,
har pal apnon ka saath,
aur, unke pyaar ki barsaat,
maana ye mil nahin sakta,
par, armaan hai use paane ka!



Wednesday, March 22, 2006

tum aaye..

bahte bahte, rukne lagi,
zindgi, jab tum aaye,
Jaagte bhi, sote rahe,
sapne, jab tum aaye,
socha par kah na saki,
aadatan, jab tum aaye,
ab kahun, ya na kahun,
shukriya, jo tum aaye..



Wednesday, March 15, 2006

kyon?

Sada hain mere saath,
mere sapne, mere khab,
Fir bhi,
main tanha kyon?



Saturday, March 11, 2006

kya?

zindgi gujaarne ke liye,
chahiye ek saathi,
ishq magar nahin,
kuchh aur hi sahi..



fir se..

aks ke tukde, samete ja rahi thi,
raat ki chadar, lapete ja rahi thi,
kuchh toota tha shayad!